صحيح هو أحنا عندنا سكيزوفرانيا؟؟؟

منقول
صحيح هو أحنا عندنا سكيزوفرانيا؟؟؟
(انفصام فى الشخصيه يعنى )


بما أن الموضوع لنقاش هذه الحاله النفسيه لخطيره
فممنوع منعا باتا
غلق الموضوع قبل أكمال قرءاته لتجنب المضاعفات




على فكره أنا مش راضى عن نفسى وبحاول

ولكن(........)بتقول((( بصراحه لا اريد ان اتوب)))

طب :لحد أمتى؟؟؟؟؟؟؟

مش يمكن تكون مش صادق!!!

طب اقولك :اسمع واحكم!!!

وعشان ميبقاش زى أخواته

أوعى تكون فاكرها صدفه






مش فاهم حاجه من الجمل دى!!!!
بسيطه كمل للاخر



معلش مقدمه طويله
نبدأ بسؤال:
قريت كام موضوع على النت؟؟
سمعت كام درس؟؟
كتبت كام رد؟؟

لسه مش فاهم

نوضح

ما شاء الله شىء جميل أننا بنشترك فى منتديات اسلاميه
وحلو اننا بنكتب مواضيع سواء كتبنها او نقلتها
ورائع اننا بنبعت ايميلات اسلاميه لبعض
وكويس اننا بنكتب ردود لموضوعات دينيه
وبنختار احيانا اسامى اسلاميه للتسجيل

كل ده جميل

ولكن معلش كتبت كام موضوع عن التوبه و متبتش!!
كتبت كام رد على موضوع اسلامى ومتغيرتش!!!
بنكتب جزاك الله خيرا ونعمل موضوعين والحمد لله..؟؟

سؤال بعد كل الايميلات والمشاركات والمواضيع
أتغيرت؟؟؟؟؟؟؟؟؟؟؟؟؟




على فكره أنا مش راضى عن نفسى وبحاول


ياترى بجد !! يعنى بتعمل محاولات!!
أختبار بسيط:
1_هل بقالك مده (سنه او سنتين اوسنييييييييين)بتحاول تبطل ذنب ومش عارف؟؟؟؟؟؟؟؟؟؟
2_هل بقالك كثير نفسك تعمل طاعه ومش عارف؟؟؟
3_وده سؤال مهم جدا: ياترى أنت بقالك كثير زى ما انت ؟؟
يعنى ولا ذنب بطلته!! ولا طاعه جديده عملتها؟؟؟؟
ولو اجاباتك كلها ايوه


يبقى


مش يمكن تكون مش صادق!!!

مش جايز بتقول بلسانك انا عايز اتغير

ولكن(....أفعالك......)بتقول((( بصراحه أنا مش عايز اتوب)))

لو حتى فى ذنب مش عارف تبطله؟
طب حاولت تقرب لربنا بأيه؟؟


قالوا:اصدق الله يصدقك
فياترى :أنت صادق؟؟
ولا بتقول عايز اتغير وعايز اتوب كنوع من مسكنات الضمير!!
قال تعالى( ﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ﴾ … [العنكبوت:69]،
الايه واضحه وصريحه
لو حاولت وجاهدت نفسك ربنا هيهديك لسبله وطاعته....قياترى انت حاولت

وفى الحديث القدسى(ومن تقرب إلي شبرا ، تقربت إليه ذراعا . ومن تقرب إلي ذراعا ، تقربت إليه باعا . وإذا أقبل إلي يمشي ، أقبلت إليه أهرول)


يعنى المطلوب شبر خطوه حقيقيه منك وهيعينك وتبقى خطوات

يبقى لو بقالك سنيييييييين
لا ذنوبك بتقل ولا حسناتك بتزيد
يعنى لو ذنوبك :غيبه_أغانى _أفلام_سجائر _شات_علاقات_والصلاه!!!_والطاعات؟!!!!!
وبقالك مده ومتغيرتش!!
ولا ذنب ولو واحد بطلته
ولا طاعه ولو واحده عملتها
يبقى انت مش صادق


لو حتى فى ذنب مش عارف تبطله؟
طب حاولت تقرب لربنا بأيه؟؟

طب :لحد أمتى؟؟؟؟؟؟؟

وبتضحك على مين؟؟
بتضحك على نفسك بالمسكنات
انا عايزاتوب
انا عايز اتغير
ادعولى ربنا يهدينى
هو لو انت محتاج فلوس
هتكتفى بانا محتاج فلوس انا مضايق من نفسى
ولا هتعمل خطوه وتشتغل!!!!!!!!

وعشان ميبقاش زى أخواته

وعشان الموضوع ميبقاش زيه زى اخواته من المواضيع الى بتدخل تقراها وتمشى

لو سمحت
فكر مع نفسك
امسك ورقه وقلم
واكتب
الذنوب الى لسانك تعبك من كتر ما قلت عايز ابطلها ومبطلتهاش!!
واكتب:!!!!!!
واكتب مش عارف اقول الطاعات الى مبتعملهاش!!
أصل فى ناس أخرها الصلاه على عجاله.....ان صلوا !!!
ودلوقتى بعد ما كتبت
انا مش هقول بطل كل الذنوب
ولا اعمل كل الطاعات
ولكن
مطلوب شبر
خطوه
ذنب هتبطله دلوقتى ...خلاص توبه
وطاعه مبتعملهاش دلوقتى هنتظم عليها ...توبه
وكلنا نبدأ
وانا اولكم

بس ثوانى
أوعى تكون فاكرها صدفه

مفيش صدف فى الدنيا ربنا قال(( إِنَّا كُلَّ شَيْءٍ خَلَقْنَاهُ بِقَدَرٍ))
هذه الرساله لم تصل اليك صدفه ولكن بقدر الله
وهى حجه لك أو عليك
ابدأ بخطوه مهما كانت صغيره!!هى صعبه!!
تذكر(لنهدينهم سبلنا)


مش هنفوق يا جدعان ...
hema

السلام عليكم فى البداية انا
حسيت من قرائتى للموضوع ان انتة كاتب الموضوع وانتة متنرفز اوى اوى استنى
لا انا اقصد ممكن تكون مضايق لا استنى انا اعتقد ان انتة صعبان عليك اللى احنا فية اعتقد ممكن اكون فهمت كلامك
بس يادكتور ممكن اسالك سؤال هوة انا اقدر اسيب الذنب دة بدون رجوع لية ؟


بص اكيد كلنا لينا ذنوب ةمعاصى اكيد وجربنا نسيبة بس اكبد كتير بيرجع لية بس على العموم يارب ثبتنا على التوبة .

حفظك الله من كل سوء ... وحفظ الأنامل التي خطـّت هذه الكلمات ، والتي لامست شغاف الفؤاد .

أسأل الله - تعالى - أن يجعلني عند حسن ظن أحبتي ، وأنا المقرّة بتقصيري .

وأدعو الله - تعالى - بدعاء الصديق - رضي الله عنه - جمعني الله وإياكم وأحبتنا به في الفردوس الأعلى من الجنة :
" اللهم لا تؤاخذني بما يقولون ، واجعلني خيرا مما يظنون ، واغفر لي ما لا يعلمون

ايه اكلام الجامد ده
والله انا فعلا اصريت ان اتغير واترك حجات انا مش ايزه اتحلى بها او تكوت جزء من شخصيتى كمسلمه بس
فشلت
لكن الحمد لله انا مخسرتش كتير
عرفين انا كسبت ايه
انا كسبت روح المحاوله وبحاول لحد ما احقق الى اناعايزاه
وبعدين حياتنا مش كلها مكسب لازم تكون فيه خساره علشان نأدر نكسب
صح ولا ايه