دي مجرد اقتراح

بسم الله الرحمن الرحيم
في البدايه احي اشكر كل اعضاء المنتدي علي ترحيبهم بيه
علي راسهم العضو hema
لانه اول واحد رحب بيه وانا استريحتله بجد
علي العموم انا ليه تعليق بسيط ع المنتدي اولا هوه بسم الله ماشاء الله جميل ومن افضل المنتديات اللي انا اشتركت فيها خلال هذا الشهر
بس التعليق البسيط ان العضو elmaria
والعضو بنوته الاخوان
معاهش يعني في الكلمه موجودين في كل حاجه
والواحد لوفكوانه يقرلهم هيمل
ع العكس العضوين mido99
والعضو dr ahmed
ليهو موضوعين تلاته وبصراحه انا قراته وعجبوني جدا
خصوصا النكته بتاعت العضو mido99
طبعا مش عاوز انسي صاحبي hema
ليه كم موضوع كده نار
في النهايه ماحبش حد يزعل مني وانا اللي بقوله ده من دافع الحب في الله عشان الواحد حتي يعرف يشوف كل حاجه في المنتدي
فبقترح ان كل عضويكون ليه موضوع واحد بس في اليوم وكل عضو يعلق ع التاني
اوعي يا بنوته الاخوان ويا elmaria
تزعلو مني

كلامك مزعلنيش
لانى مبزعلش من اخواتى
شكرا اخى على لفت انتباهى

السلام عليكم
جزاك الله خير اخة كريم بس اعتقد ان دة شئ عادى فى اى منتدى وانا والله انتة عارف ان المنتدى لسة بقالو بالضبط 15 يوم يعنى لسة اعتقد فى البداية وبسم الله ماشاء قدرنا نوصل فكرتنا لمعظم الناس حتى لو واحد بس وصلتة فكرتنا دة انا عن نفسى باعتبرة مكسب
وكان لازم مننا ان احنا نحاول نجتهد كل فى مجالة انا والدكتور احمد والدكتور ابراهيم وكل الناس اللى اجتهدو كتير اوى واله فية ناس انا لم اعرفهم على الاطلاق .

لكى نصل بفكرتنا الى اكبرعدد من الناس وانا حاولت بشتى الطرق انى اكتر من المواضيع حتى تتم الاستفادة باسرع وقت ممكن وانا والله المنتدى دة احنا بجهز فى مواضيعة من كتيراوى ولما جات الفرصة ان احنا نظهر مواضيعنا جات كلها مرة واحد وبعضها منقول من منتدى اصحا فى الجامعة جزاهم الله عنا خيرا .

بس بردة شكرا لك لانى فعلا كان لازن انى اخف من المواضيع حتى تتم الاستفادة بشكل مجزى منة اى موضوع لاى عضو جزاك الله خيرا
انى احبك فى الله ياكريم واحبكم جميعا فى الله

احببكم الذي احببتوني فيه
يا اخني ويا اخي
اكيد عارفين نفسكم بدون زكر اسماء
اسماء دي مش عضوه
هههههههههههههه
وانا اتكلمت بدافع الحب للمنتدي اللي اكيد كل عضو نفسه يكون دي افضل منتدي
وفي النهايه احب اقولكم
والله دي اسلوبي وانا اسف
صافي يا لبن
...............

بسم الله الرحمن الرحيم
جزاكم الله خيرا بجد على تواجدك فى بيتك بيت شباب صح.. وغيرتك وحبك واهتمامك انك تشوفه بيت عالى كبير مميز كل غرفه فيه شيقه وممتعه ومفيدة .. وكلام حضرتك وتعليقك على مواضيع بعض الاعضاء ليس الا اهتمام بموضوعاتهم ورؤيتك لتجديد المنتدى

بس لو حضرتك سمحتلى انا ممكن اقول حاجه صغنونة خالص بس أكيد حضرتك هتفهم المعنى اللى أقصده
ربنا لما خلق الانسان كمله فى أحلى صورة .. ووضع فى كل انسان فطرته.. وزرع فى قلبه حب الخير والاهتمام بالاصلاح اكثر من الاهتمام بالخراب والفساد .. وايضا من رحمته ايضا جعل لكل انسان اسلوبه اللميز اللى يقدر بيه يستفيد وايضا يقدر يعبر بيه عن اللى استفاده
فتلاقى انسان مثلا بيحب كاتب معين لانه بيقربله الفكرة وبيوصلها ليه فى اسلوب بسيط وجميل رغم ان الموضوع ممكن مايكونش قوى جدا .. وفيه انسان تانى ما يحبش الاسلوب ده .. وتلاقيه
بيحب المواضيع الدسمة واللى بتشمل مراجع كثيرة .. لانها من وجهة نظرة هتفيده اكتر
كمان فيه حاجه مهمة جدا ان الانسان بتتنوع اهتماماته يعنى أحب اقراء موضوعات فى التنمية والدين .. لكن مش بحب قوى اقراء فى السياسة او الرياضة...
وطبعا حضرتك يا استاذ كريم عارف ان احنا بنبنى بيت كبير اسمه شباب صح فكرة عايزنها شاملة وناجحه ومنتنوعه فيها كل الانواع والمجالات
فا رجو حضرتك انك تتفهم الموقف بس ان لكل شخص منا كاتبه المفضل .. اعتقد ان امعنى وصل

معلش اسف لو طولت على حضرتك بس خلينى احكيلك قصة : سيف وأنس
سيف وأنس دول يبقوا ان شاء الله الذرية اللى بدعى ربنا يرزقنى بيها .. المهم
سيف طول عمره بيحب الخلاصة يعنى يحب يعرف نهاية الموضوع وبدايته بس .. لكن بقى المضمون والتفاصيل ولا تفرق معاه ..
ما أنس عكسه تماما بيحب يقرأ كل موضوع بالتفصيل لانه بيحب اولا انه يتثقف ويكسب معلومات .. وثانيا علشان بيقرأ كل الموضوعات حتى ولو صعبة بس بتقوى جواه اللغة والاسلوب فبيكتسب خبرات
المهم فى يوم كانوا فى المدرسه وانطلب منهم موضوع تعبير
سيف مسك الموضوع وقراء بدايته .. وبعدين قعد يقول ام ام ام ام ونزل بنظرات عنيه لحد ما وصل نهاية الموضوع وقراء(اكتب فى هذا الموضوع لايقل عن عشرة اسطر)
وأنس مسك الموضوع وقراءه كله .. وبدأ انس وسيف يكتبوا
وعرضو الموضوع على المدرس بتاع الماده.. وفجاءه بس بغضب لسيف وقالوا تانى ياسيف
مش قولتلك يا بنى تركز فى الموضوع وتقراء كويس هو عايز منك ايه
وبعت لى البيت .. ورحت الى المدرسه وقرات موضوع الولد سيف ما شاء الله (ولا محرر فى قناة ال ان ان)المهم قولت للمدرس ايه المشكلة الولد كاتب ما شاء الله .. دى حتى ما سبش معلومة صغيرة عن النادى الاهلى ولا الزمالك الا وكتابها..
فرد المدرس وحضرتك قرات نص الموضوع اللى انا طلبته .. فقلت له لا ..فقالى اتفضل وكان نص الموضوع :
فى مصر الان العديد الانشطة التى تهدف الى تقوية الاجسام وتقوى العقل .. فمن نحن الان لا يعرف هذه الاماكن التى تمارس فيها الرياضة .. فكثير من الاندية الان مثل الاهلى والزمالك حصدت العديد من البطولات .. ولديها الخبرة الكافية لتدريب الشباب وممارسة الرياضة..من فضلك اكتب عن معنى الرياضة واهميتها فى حياة الفرد
اكتب فى هذا الموضوع لا يقل عن عشرة اسطر
وبصراحة انا انكسفت .. الولد سيف ما سبش لاعب كرة الا ما كتب عنه وعن حياته وزكرياته وموال تانى.. وكالعاده اتاسف سيف ووعد انه يقراء الموضوع كله علشان يفهم ابعاده
اما انس ما شاء الله طول عمره طالع لابوه ..

شوفت بقى الاولاد مدوخنى ازاى (ههههههه) .. يارب تتقبل تحياتى
وبجد بجد ربنا يبارك فى حضرتك ما شاء الله مشاركاتك وسام احنا شايلينه
ربنا يعزك يارب
dr : ahmed