واحد بليد دخل إمتحان شوفوا عمل إيه....

بسم الله الرحمن الرحيم

عرف كلا من:
( سور الصين العظيم )1-
(مرض جنون البقر)2-

أخينا اتننحح شويه ... وبعدين راح قايل

( سور الصين العظيم ) إجابة البتاعة الاولانية


سور : هو البتاع اللي بينط من فوقه الحرامى عشان يخش البيوت ويسرق.

- الصين : نوع من أنواع الأدوات المنزلية ... بس نوع مفتخر ... الطقم بيوصل ل 100 جنيه في العتبة.

- العظ : لما بيخش عليك حيوان بيعمل كده ... وأشهر حيوان معروف بالحاجة دى ... هو الكلب.

- يم : تقريبا والله أعلم ... بحر أو حاجه زى كده

- يعنى الجملة كلها معناها

لما ينط حرامي من فوق سور ... عشان يسرق طقم صيني .... الكلب هيعضه .. فى البحر


( مرض جنون البقر ) إجابة البتاعة التانية


مر : دى الحاجة اللي طعمها بيجيب مرارة فى الحلق .... ويخليك تفصل دماغك قوام.

ض : تقريبا حاجه زيادة ... شوية حبر فى الورقة ولا حاجة ... ملهاش لازمة.

جن : اللهم إحفظنا من العفاريت والجن والحركات دي يارب. ناقصين.

ون : دى أصلا إنجليزى ... ومعناها ( رقم واحد ) ... لغات أنا برضه. برضه

ألب : دى جبال موجودة في بلاد بره ... وجبال عالية قوى ... بتاع 200
كيلوجرام فوق سطح برج الجزيرة

قر : ليها معنين حسب الجملة ذات نفسها

المعنى الأولاني : الحسد والقر والكلام ده .... ودى مش راكبه على الحوار بتاعنا
الثاني: اختصار لكلمة ( قرنفل ) ... على طريقه( محمد رضا)
انا باقص الكلا .... الكلام يعني

يبقى معنى الجمله دى

المرارة لما تجيلك . هات جني ( نمبر وان ( عشان يطلع جبال الألب ... ويجيبلك قرنفلايه

خلصنا الامتحان بالصلا عالنبى

جزاكم الله كل خير


إنى أحبكم فى الله


ضعوا أصدقائكم أينما ذهبتم فى قلوبكم

ام فارس

ههههههههههه
فعلا والله ضحكت من قلبى
جزاكى الله خيرا واحبكى الله الذى احببتينا فيه

مشكوره ياقمر على المرور وبجد انتى شخصيه اتراكتيف خالص

جزاكى الله كل خير ولكى منى احلى تحيه

ام فارس